ЗША ўвялі новыя санкцыі супраць Мінабароны Расіі

• 4.08.2026, 15:41

Пад абмежаванні трапілі ваенныя структуры, дзве кампаніі і пяць грамадзян РФ.

ЗША ўвялі санкцыі супраць некалькіх структур Мінабароны Расіі, а таксама дзвюх расійскіх кампаній і пяці грамадзян РФ. Пра гэта гаворыцца у паведамленні Дзярждэпартамента.

У дакуменце гаворыцца, што пад санкцыі трапілі Галоўнае ракетна-артылерыйскае ўпраўленне Мінабароны Расіі, 1061-ы цэнтр матэрыяльна-тэхнічнага забеспячэння Узброеных Сіл РФ, Упраўленне перспектыўных міжвідавых даследаванняў і спецыяльных праектаў Мінабароны Расіі і Сухапутныя войскі Расіі. Таксама санкцыі распаўсюджваюцца на любых правапераемнікаў, падраздзяленні або даччыныя прадпрыемствы гэтых структур.

Таксама ЗША ўвялі санкцыі супраць дзвюх расійскіх кампаній — International Invest Company і Gedion Alpha Company. Абмежаванні ўведзены таксама ў дачыненні да пяці грамадзян РФ: Аляксандра Прыходзькі, Андрэя Гусева, Андрэя Косалапава, Уладзіслава Марозіка і Сяргея Цыбарева.

У Дзярждэпартаменце адзначылі, што гэтыя асобы ажыццяўлялі дзейнасць, якая апраўдвае прымяненне мер у адпаведнасці з Законам аб нераспаўсюджванні зброі масавага знішчэння ў дачыненні да Ірана, Паўночнай Карэі і Сірыі.

У дакуменце ўказана, што гэтыя санкцыі ўступілі ў сілу 24 ліпеня 2026 года і будуць дзейнічаць на працягу двух гадоў, калі Дзярждэпартамент іх не скасуе або не працягне. Акрамя таго, амерыканскім ведамствам забаронена набываць тавары ў асоб, указаных у гэтым спісе, а таксама аказваць ім дапамогу.