Расія можа ўварвацца ў Чарнігаўскую вобласць

• 4.08.2026, 17:52

Украінская разведка раскрыла планы акупантаў.

Расійскія акупанты могуць рыхтаваць уварванне на тэрыторыю Чарнігаўскай вобласці. Пра гэта заявіў прэс-сакратар Дзяржаўнай памежнай службы Украіны Андрэй Дземчанка у эфіры тэлемарафону, паведамляе «Цензор.НЕТ».

«Генеральны штаб адзначаў, што ёсць дадзеныя разведкі пра тое, што ў планах ворага — выкарыстаць гэты ўчастак украінскай мяжы ў Чарнігаўскай вобласці, каб паспрабаваць ажыццявіць уварванне. Ці ж, нават не маючы дастатковых сіл, здзяйсняць такія дэманстратыўныя дзеянні, каб Украіна ў далейшым перакідвала на гэты напрамак дадатковыя сілы, не выкарыстоўваючы іх на важнейшых напрамках», — сказаў Дземчанка.

У той жа час ён дадаў, што на дадзены момант украінскія сілы не фіксуюць спробаў РФ перасячы гэты ўчастак мяжы.

«На дадзены момант мы не фіксуем, што вораг ужо задзейнічаў бы пяхотныя групы, якія спрабавалі б перасекчы нашу мяжу. Акрамя таго, нават актыўнасць дыверсійна-разведвальных груп на дадзены момант не фіксуецца. Нельга, вядома, расслабляцца, бо вораг падступны. Тое, што адбываецца ў Чарнігаўскай вобласці штодня, — гэта абстрэлы артылерыяй і беспілотнымі лятальнымі апаратамі», — заявіў Дземчанка.