Сабаленка выйшла на шостае месца па колькасці тыдняў на першай пазіцыі

• 4.08.2026, 21:16

Беларуска знаходзіцца ў статусе першай ракеткі свету ўжо 94-ы тыдзень запар.

28-гадовая беларуская тэнісістка Арына Сабаленка працягвае ўзначальваць рэйтынг WTA.

Яна ўжо 94-ы тыдзень запар у статусе першай ракеткі свету.

Сабаленка параўналася па гэтым паказчыку з другой па працягласці серыяй Штэфі Граф і паднялася на шостае месца ў гісторыі.

У топ-5 паводле працягласці бесперапыннага знаходжання на першай пазіцыі ўваходзяць:

Граф — 186 тыдняў запар (з 1987 па 1991 год);

Серэна Уільямс — 186 (2013-2016);

Марціна Навратілова — 156 (1982-1985);

Эшлі Барці — 114 (2019-2022);

Крыс Эверт — 113 (1976-1978).