Экс-абаронца беларускага клуба будзе зарабляць 856 еўра за гадзіну ў топ-чэмпіянаце

• 5.08.2026, 10:58

Былы гулец «Энергетык»-БДУ падпісаў кантракт з англійскім «Манчэстэр Сіці».

22-гадовы абаронца зборнай Узбекістана Абдукодыр Хусанаў падпісаў новы кантракт з англійскім «Манчэстэр Сіці».

Пасля падпісання новага 5-гадовага кантракта гадавая зарплата Хусанава складзе каля 7,5 мільёна еўра. Пра гэта інфармуе «Футбол.бай».

Футбаліст будзе зарабляць прыблізна 625 тысяч еўра ў месяц і 144 тысячы еўра ў тыдзень. Яго сярэдні даход складзе каля 20,5 тысячы еўра ў дзень, 856 еўра за гадзіну і больш за 14 еўра за хвіліну.

Агульная сума заробку Хусанава за 5 гадоў можа дасягнуць 37,5 мільёна еўра. Пры гэтым у разлік не ўключаныя прэміяльныя.

Раней Хусанаў выступаў за мінскі «Энергетык»-БДУ (цяпер СКА-1938).