Пад Асіповічамі блукае вялікі мядзведзь

• 5.08.2026, 11:29

Ростам як рулон сяна.

Ля вёскі пад Асіповічамі быў заўважаны мядзведзь, ростам як рулон сяна. У лясгасе заклікалі мясцовых жыхароў быць асцярожнымі.

Асіповіцкі вопытны лясгас звярнуўся да жыхароў аграгарадка Ліпень.

«У ваколіцах аграгарадка на палях быў заўважаны мядзведзь. Просім усіх праяўляць максімальную асцярожнасць», — гаворыцца ў паведамленні.

Мясцовым жыхарам рэкамендавана не выходзіць у адзіночку на ўскраіны палёў і ў лясы, пазбягаць месцаў з высокай травай.

«Пры выпадковай сустрэчы не спрабуйце наблізіцца да звера або сфатаграфаваць яго — павольна адыходзьце, не паварочвайцеся спінай», — адзначылі ў лясгасе.

Мядзведзя ўжо некалькі разоў заўважалі — ён перамяшчаецца дзесьці паміж Асіповічамі і Бабруйскам і за дзень можа праходзіць некалькі дзясяткаў кіламетраў.