Гамяльчанка: Я нават не думала, што ў нас такі добры народ

• 5.08.2026, 15:26

Ніхто не застаўся абыякавым да бяды беларускі.

Жыхарка Гомеля aristocratccaa распавяла ў Threads пра рэакцыю навакольных на тое, што з ёй адбылося.

«Я сёння страціла прытомнасць днём, — піша яна. — Нават не зразумела, як гэта здарылася, проста стала дрэнна ў аўтобусе. І вось я ўжо адкрываю вочы, ляжу на падлозе.

Дзякуй усім мінакам, хто дапамог, спыніўся і проста не застаўся абыякавым. Я прыйшла дадому і проста заплакала, са мной такое ўпершыню, і я нават не думала, што ў нас такі добры народ. Калі хто-небудзь з тых мінакоў чытае гэты пост, асабліва дзяўчына, якая дала папіць вады, вы — багіня, я апрытомнела ад вашага голасу. Вялікі дзякуй».

Каментатары пажадалі аўтарцы допісу здароўя і нагадалі пра меры бяспекі ў спякотнае надвор'е.