«Як жыць, калі зарплата — 2000 рублёў, а кватэра — 1500?»

• 5.08.2026, 17:29

Крык душы беларускай.

Жыхарка Мінска alina_zahar0va спыталася ў Threads, што рабіць, калі амаль увесь заробак ідзе на аплату арэнды жылля.

«Вы мяне, канечне, выбачайце, — піша яна. — Але чаму зняць кватэру ў Мінску так дорага? Як я ўвогуле павінна жыць, калі зарплата — 2000, а кватэра — 1500?»

Іншыя карыстальнікі сацсеткі падзяліліся сваім досведам і далі некалькі парад. Сайт Charter97.org прыводзіць некаторыя каментары:

— Усё вельмі проста. Дзякуй усходнім суседзям і душэўным, добрым і адгуклівым нашым мінчукам, якія адправяць цябе ў вёску або скажуць «сваю купі».

— Калі бачу цэны на продаж і арэнду, заўсёды думаю: дзе я жыву — у Мінску ці ў ААЭ?

— Знаёмы з сітуацыяй па ўласным досведзе, спачуваю.

— З такой зарплатай толькі пакой здымаць. Каб адной зняць кватэру, мінімум трэба мець 3500 у месяц.

— Я ўжо не кажу пра тое, што ў некаторых зарплата крыху больш за 1000. Як увогуле выжываць?

— Вам увогуле пашанцавала з зарплатай у 2000, некаторыя і гэтага не маюць.

— Даражэнькая мая, навошта вам жыць у дыктатуры, дзяржаўным аб'юзе і, увогуле, свеце без шчасця? У Буэнас-Айрэсе за гэтыя грошы вы зможаце зняць лепшую кватэру з басейнам у дамовым кандамініуме, з парцье і аховай. Вы апыняцеся ў іншым свеце дабразычлівых людзей і ў адным з найпрыгажэйшых гарадоў свету.