Уладальнік «Залатога мяча» заклікаў Інфанціна сысці з пасады кіраўніка ФІФА

• 5.08.2026, 17:59

І назваў яго «перажыткам мінулага футбола».

Уладальнік «Залатога мяча» 2000 года Луіш Фігу у сваёй калонцы для Daily Mail назваў паводзіны кіраўніка ФІФА Джані Інфанціна «самымі нізкімі і хлуслівымі» і заклікаў яго пакінуць пасаду.

«Я мог бы напісаць 10 тыс. слоў пра праблемы ў ФІФА. Але для вырашэння праблемы дастаткова ўсяго трох: Інфанціна павінен сысці», — напісаў Фігу.

Фігу адзначыў, што за 20-гадовую кар’еру гульца «сустрэкаў нягоднікаў», але за апошнія дзесяць дзён убачыў «самыя нізкія, самыя хлуслівыя і эгаістычныя паводзіны».

«Чалавек, які здольны на такое, які спрабуе праталкнуць такія маштабныя змены толькі дзеля таго, каб ён і яго сябры ўзбагаціліся, — гэта перажытак мінулага футбола, і яму не месца ў яго будучыні», — адзначыў Фігу.

Скандал вакол Інфанціна разгарэўся пасля паведамленняў пра планы ФІФА прадаць частку камерцыйных прав на чэмпіянат свету знешнім інвестарам. Ад гэтай ідэі арганізацыя хутка адмовілася, але Інфанціна страціў падтрымку шэрагу еўрапейскіх асацыяцый на маючых адбыцца выбарах, а галоўны аперацыйны дырэктар ФІФА Кевін Ламур заявіў, што кіраўнік арганізацыі падмануў сваіх супрацоўнікаў.

Фігу быў у ліку легенд футбола, якія падтрымалі Інфанціна падчас першай перадвыбарчай кампаніі ў 2016 годзе.