Тры мядзведзі выйшлі на прагулку на дарогу пад Мядзелем

• 5.08.2026, 18:51

Фотафакт.

Незвычайны выпадак адбыўся каля вёскі Мілты, калі галоўны аграном сельгасфіліяла «Дзягілі» Міхаіл Адамовіч ехаў на службовым аўтамабілі, развозячы абеды механізатарам, піша narachanka.by.

Паводле слоў мужчыны, мядзведзіца з мядзведзянятамі спакойна сышла з дарогі. Мядзведзяняты адразу схаваліся ў лесе, а іх маці яшчэ пэўны час назірала за аўтамабілем з высокай травы.

Спецыялісты нагадваюць, што сустрэча з мядзведзем, асабліва з мядзведзянятамі, можа быць надзвычай небяспечнай. Пры выглядзе звера нельга ўцякаць або правакаваць яго. Калі мядзведзь заўважыў чалавека, рэкамендуецца захоўваць спакой, павольна адступаць і не рабіць рэзкіх рухаў.