Аўтамабільныя эксперты склалі рэйтынг найлепшых кросовераў для буксіроўкі

• 5.08.2026, 20:09

Сучасныя мадэлі паспяхова спалучаюць зручнасць з высокімі цягававымі магчымасцямі.

Аўтамабільныя эксперты склалі рэйтынг найлепшых кросовераў для буксіроўкі ў 2026 годзе. Пры выбары ўлічвалі не толькі максімальную масу прычэпа, але і ўстойлівасць на дарозе, эфектыўнасць тармажэння, магутнасць рухавіка, а таксама тэхналогіі, якія спрашчаюць рух з прычэпам, — паведамляе Independent (пераклад — сайт Charter97.org).

Лепшым кампактным кросоверам назвалі Toyota RAV4 новага пакалення. У паўнапрываднай версіі аўтамабіль здольны буксіраваць да 1,6 тоны, чаго дастаткова для невялікай лодкі, турыстычнага прычэпа або пары гідрацыклаў.

Сярод сямімесных мадэляў лідарам стаў Nissan Pathfinder, разлічаны на буксіроўку да 2,7 тоны. Гэтага хопіць для сярэдняга аўтадома, катэра або легкавога аўтамабіля на трэйлеры.

У катэгорыі поўнапамерных пазадарожнікаў першае месца заняў Jeep Grand Wagoneer. З пакетам для цяжкіх прычэпаў ён здольны цягнуць да 4,5 тоны, прапаноўваючы ўбудаваную сістэму кіравання тармазамі прычэпа.

Лепшым прэміяльным пазадарожнікам назвалі Lincoln Navigator, які можа буксіраваць да 3,95 тоны і абсталёўваецца сістэмай Pro Trailer Backup Assist, што палягчае рух заднім ходам з прычэпам.

Сярод электрычных мадэляў перамог Cadillac Escalade IQ. Яго цягавая здольнасць дасягае 3,6 тоны, а запас ходу ад аднаго зараду складае да 740 км.

«Найлепшыя SUV для буксіроўкі не прымушаюць выбіраць паміж камфортам і магчымасцямі», — лічаць эксперты Edmunds. На іх думку, сучасныя мадэлі паспяхова спалучаюць паўсядзённую зручнасць з высокімі цягававымі магчымасцямі.