У Мінску на праспекце Незалежнасці сутыкнуліся пяць аўтамабіляў

• 5.08.2026, 20:47

Фотафакт.

Пяць аўтамабіляў сутыкнуліся 5 жніўня на сталічным праспекце Незалежнасці. Падрабязнасці ДТЗ паведамілі ў ДАІ.

67-гадовы вадзіцель Renault каля скрыжавання з вуліцай Фогеля выехаў на паласу сустрэчнага руху, дзе «здзейсніў сутыкненне з Opel, Toyota, Volkswagen і грузавым аўтамабілем „МАЗ“».

На шчасце, у ДТЗ ніхто не пацярпеў.

«Паводле вынікаў медыцынскага агляду ў арганізме вадзіцеля аўтамабіля Renault этыловы спірт не выяўлены», — удакладнілі ў ДАІ.