Беспілотнікі атакавалі Яраслаўль і ляцяць на Маскву

• 6.08.2026, 7:42

На адным з буйнейшых НПЗ Расіі ўспыхнуў пажар.

Раніцай у чацвер, 6 жніўня, расійскі горад Яраслаўль падвергнуўся атацы беспілотнікаў. Пасля ўдараў на мясцовым НПЗ узнік пажар. Імаверна, беспілотнікі маглі атакаваць НПЗ «Ярославнефтеоргсинтез», які лічыцца адным з буйнейшых нафтаперапрацоўчых заводаў цэнтральнай Расіі. Завод належыць кампаніі «Славнефть» і паводле аб'ёмаў першаснай перапрацоўкі нафты ўваходзіць у пяцёрку буйнейшых нафтаперапрацоўчых заводаў РФ.

Пра гэта паведамляе Charter97.org са спасылкай на расійскія Telegram-каналы і OSINT-паблікі.

Губернатар рэгіёна Міхаіл Яўраеў у сябе ў Telegram пісаў, што ўначы а 02:37 у Яраслаўскай вобласці абвясцілі пагрозу беспілотнікаў.

Праз 10 хвілін рэгіён ужо быў пад атакай, з-за чаго «ў мэтах забеспячэння бяспекі» рух транспарту на выездзе з Яраслаўля ў бок Масквы быў перакрыты.

Ужо пасля 4-й раніцы ў OSINT-пабліках пачалі з'яўляцца кадры пажару ў Яраслаўлі, а падпісчыкі каналаў пісалі, што атакаваны НПЗ. Да 7-й раніцы ў сетцы з'явіліся кадры, на якіх было бачна адразу некалькі слупоў дыму.

Мясцовыя ўлады сітуацыю пакуль ніяк не каментавалі.

Варта таксама дадаць, што пад атакай беспілотнікаў знаходзіцца і Маскоўская вобласць. Мэр Масквы Сяргей Сабянін уначы і каля 6-й раніцы пісаў у Telegram, што сілы СПА сумарна нібыта збілі 6 беспілотнікаў.