Дадому вярнулася беларуска, якую вызвалілі з палону ў М’янме

• 6.08.2026, 12:56

Яе вывозілі праз Тайланд.

У ліпені паведамлялася, што беларуску вызвалілі з цэнтра анлайн-махляроў у М’янме. Цяпер стала вядома, што яна вярнулася дадому.

Пра гэта 6 жніўня праінфармавала беларускае пасольства ў В’етнаме, якое адначасова адказвае і за М’янму.

Паведамляецца, што беларуску транзітам даставілі з М’янмы праз Тайланд.

«Абстаноўка ў рэгіёне адказнасці замежнай установы, у тым ліку ў М’янме, застаецца няпростай. Каб пазбегнуць сітуацый, што пагражаюць здароўю і жыццю, рэкамендуем быць адказнымі і ўважлівымі пры вывучэнні прапаноў аб «лёгкім заробку» і працаўладкаванні», — адзначылі ў пасольстве.

Раней СМІ паведамлялі пра 26-гадовую мінчанку Веру Краўцову, якая прыбыла ў Тайланд у пошуках працы мадэллю і, паводле версіі тэлеграм-каналаў, трапіла ў скам-цэнтр, пасля чаго яе вывезлі ў М’янму і забілі.