У Belavia назвалі пяць самых загружаных маршрутаў

• 6.08.2026, 14:32

З пачатку года авіякампанія выканала больш за 10 тысяч рэйсаў.

За сем месяцаў 2026 года беларускі нацыянальны авіяперавозчык Belavia павялічыў пасажырапаток амаль на 15% у параўнанні з аналагічным перыядам 2025-га. З пачатку года кампанія перавезла амаль 1,3 млн пасажыраў, а ў топ-3 самых загружаных рэйсаў увайшлі Маттала, Нячанг і Санья. Інфармацыя пра гэта з’явілася на сайце авіяперавозчыка.

Так, з пачатку года авіякампанія выканала больш за 10,5 тыс. рэйсаў, што на 3,7% больш, чым за аналагічны перыяд мінулага года, а таксама перавезла амаль 1,3 млн пасажыраў, што на 14,6% больш, чым за студзень — ліпень 2025-га.

Калі параўноўваць месяц да месяца, то ў ліпені 2026-га Belavia выканала 1842 рэйсы, што на 8,3% больш, чым у ліпені 2025-га (1701). Пры гэтым месяц да месяца пасажырапаток вырас на 16% — з 218,2 тыс. чалавек у ліпені 2025-га да 253,2 тыс. у ліпені 2026-га.

Што датычыцца працэнта запаўняльнасці крэслаў, то год да года лічба вырасла ўсяго на 0,5%. Так, гэты паказчык за сем месяцаў 2026 года знаходзіцца на ўзроўні 84,9%, тады як паказчык за аналагічны перыяд мінулага года — на ўзроўні 84,4%. Прыкметна, што ў ліпені 2025-га працэнт запаўняльнасці крэслаў быў амаль на 2% вышэй, чым у ліпені 2026-га: 91,8% супраць 90%.

У цэлым жа за сем месяцаў 2026-га топ-5 гарадоў па працэнце запаўняльнасці крэслаў выглядае так: Маттала (Шры-Ланка), Нячанг, Санья, Стамбул, Тэль-Авіў. Пры гэтым топ-5 за ліпень 2026-га адрозніваецца. Так, на першым месцы — Тэль-Авіў, на другім — Батумі, на трэцім — Уфа. Замыкаюць топ Екацярынбург і Тбілісі.