Менчуку прапанавалі самастойна зняць гіпс пасля пералому

• 6.08.2026, 17:06

Медсястры ў паліклініцы не было.

Жыхар сталіцы komendantroman_ расказаў у Threads пра тое, чым скончылася лячэнне пералому нагі для ягонага бацькі.

«На кансультацыі лекар-пакістанец, які дрэнна размаўляе па-руску, сказаў яму самому здымаць гіпс, бо медсястры няма, а яму цяжка, — піша ён. — Гэта Мінск, калі што.

Хто цяпер працуе ў Беларусі лекарамі, як у вас там? Усё нармальна? Раскажыце, калі не баіцеся».

Нагадаем, многія беларускія лекары былі вымушаныя пакінуць краіну пасля пратэстаў 2020 года. З-за дэфіцыту кадраў улады запрасілі ў Беларусь спецыялістаў з Ірана і Пакістана.