У гаражы ў Гродне прагрымеў выбух

• 6.08.2026, 17:34

Пацярпелі два чалавекі, абрынуліся перакрыцці і перагародкі.

Два чалавекі пацярпелі падчас успышкі газапаветранай сумесі ў гаражным кааператыве ў Гродне, паведамілі у МНС.

Інцыдэнт адбыўся на вуліцы Пушкіна. У адным з гаражоў адбылася ўспышка газапаветранай сумесі без наступнага гарэння.

У выніку здарэння абрынуліся пліты перакрыцця і ўнутраныя перагародкі паміж двума гаражнымі ячэйкамі. Пацярпелі два чалавекі. З месца інцыдэнту іх забрала хуткая.

Прычына і абставіны таго, што адбылося, устанаўліваюцца.