Кітайскі спадарожнік засняў падзенне ступені ракеты Falcon 9 на Месяц

• 6.08.2026, 20:34

Фотафакт.

Спадарожнік кітайскай кампаніі ATmoto Technology Gande-101 зафіксаваў момант сутыкнення ступені ракеты SpaceX Falcon 9 з паверхняй Месяца. Ён, як і тэлескоп у Чылі, не выявіў бачнага шлейфу месячнага пылу пры падзенні. Пра гэта паведамляе South China Morning Post.

Другая ступень Falcon 9 урэзалася ў паверхню Месяца 5 жніўня на хуткасці 8700 км/гадз. «Сутыкненне абломкаў верхняй ступені ракеты Falcon 9 з паверхняй Месяца стала «непрадбачаным» … яно дало выдатную магчымасць праверыць працоўныя характарыстыкі сістэмы кантролю касмічнай абстаноўкі», — заявілі ў ATmoto Technology (цытата паводле SCMP).

Падзенне пацвердзілі NASA і Еўрапейская паўднёвая абсерваторыя (ESO). Навукоўцы таксама паведамілі, што іх тэлескоп зафіксаваў спектральныя лініі газаў натрыю і літыю пасля сутыкнення. Акрамя таго, паводле іх слоў, адразу пасля ўдару ўзняўся шлейф месячнага пылу.