На «Беларуськаліі» зноў загінуў рабочы

• 7.08.2026, 11:29

Гэта ўжо трэці выпадак за два месяцы.

6 жніўня на рудніку 4 РУ атрымаў смяротныя траўмы 29-гадовы дзяжурны электраслясар (слясар) па рамонце абсталявання Раман Тысевіч.

«Беларуськалій» паведамляе, што ён загінуў падчас выканання работ па падключэнні электрычнага кабеля да скрэпернага перагрузчыка праходчага комплексу.

Камісія расследуе абставіны і прычыны няшчаснага выпадку.

Гэта ўжо трэцяя смерць на прадпрыемстве за апошні месяц. 15 чэрвеня падчас працы на «Беларуськаліі» загінуў 34-гадовы Аляксей Чарэпок – яго задавіў пагрузчык. А літаральна за некалькі дзён да гэтага загінуў яшчэ адзін рабочы прадпрыемства – абрынулася дзвярная жалезабетонная перамычка, якую ён узводзіў.