На Гродзеншчыне паляўнічыя здабылі «аднарога»

• 7.08.2026, 16:40

Фотафакт.

Лясныя аднарогі — не міф, а хутчэй анамалія. Часцей за ўсё генетычная. З ёй сутыкнуліся паляўнічыя ў Воранаўскім раёне.

Фота незвычайнага трафея — ў Telegram-канале «Паляванне ў Беларусі».

Незвычайную казулю здабылі паляўнічыя ў Воранаўскім паляўнічым гаспадарстве. У жывёліны быў адзін рог.

Ён размешчаны дакладна па цэнтры галавы казулі. Пэўна, да гэтага прывяла прыроджаная анамалія. Калі б да аднарожжа прывялі механічныя траўмы, рог знаходзіўся б збоку.

У цэлым гэта звычайная казуля. Спецыялісты сцвярджаюць, што ДНК-дзефект ніяк не адбіваецца на жыцці жывёліны. Акрамя колькасці рагоў, лясныя аднарогі нічым не адрозніваюцца ад суродзічаў. Але людзям яны нагадваюць міфічных істот.