У Беларусі пабіты рэкорд жнівеньскай спякоты

• 7.08.2026, 17:58

Паветра прагрэлася да +40,3°С.

Тэмпературны рэкорд месяца для ўсёй краіны быў абноўлены 6 жніўня на метэастанцыі Мазыр, дзе паветра прагрэлася да +40,3°С, паведамілі ў Белгідрамеце.

Удзень у чацвер практычна паўсюдна максімальная тэмпература паветра дасягала +30°С і вышэй, а на поўдні краіны ў многіх рэгіёнах слупок тэрмометра падымаўся да +35°С і вышэй.

На метэастанцыі Мазыр абнавіўся тэмпературны рэкорд жніўня для ўсёй краіны. Тут слупок тэрмометра падняўся да 40,3°С. Папярэдні тэмпературны рэкорд для Мазыра быў усталяваны ў ліпені 1936 года. Тады спякота ў горадзе дасягнула адзнакі +36,5°С

Яшчэ тры метэастанцыі абнавілі свае гістарычныя максімумы за ўвесь перыяд назіранняў: Жыткавічы — плюс 38,9 градуса, Лельчыцы — плюс 39,6 градуса, Васілевічы — плюс 38,6 градуса.

Метэастанцыя Палеская паўтарыла абсалютны рэкорд чэрвеня 2026 года (+37,8°С).

Раней у Белгідрамеце расказалі, што з-за змяненняў клімату летам у Беларусі ўсё часцей фіксуюцца такія анамаліі, як моцныя ліўні і моцны вецер. Так, у канцы чэрвеня ў краіне здарыўся самы спякотны чэрвеньскі дзень за апошнія 145 гадоў. Каментуючы экстрэмальную спякоту, эксперт адзначыла, што падобныя тэмпературныя рэжымы могуць негатыўна паўплываць на пасадкі і прывесці да падаражання некаторых прадуктаў.

Сіноптыкі прагназуюць, што перыяд анамальнай спякоты ў краіне ўжо заканчваецца, аднак перад пахаладаннем у Мінску і іншых рэгіёнах чакаюцца навальніцы.