У Беларусь вяртаецца спякота

• 9.08.2026, 17:08

Заўтра будзе да +31.

Сіноптыкі паведамілі пра вяртанне спякотнага надвор'я ў Беларусь 10 жніўня. Падрабязнасці паведамляе партал pogoda.by.

У панядзелак, 10 жніўня, за надвор'е ў рэспубліцы будуць адказваць вобласць павышанага атмасфернага ціску, а таксама цёплая паветраная маса, якая паступае з паўднёва-заходняй часткі Еўропы. Чакаецца зменная воблачнасць, без ападкаў. Верагодны слабы туман. Уначы вецер будзе неўстойлівы, удзень — паўднёва-ўсходні, паўднёвы, месцамі парывісты.

У начныя гадзіны тэмпература паветра будзе ад +6 да +13 градусаў. Удзень прагназуецца ад +25 да +31 градуса. Сіноптыкі ўдакладняюць, што спякотнае надвор'е (ад +30 да +31 градуса) ўсталюецца ў многіх раёнах Брэсцкай вобласці. У сувязі з гэтым на панядзелак абвешчаны аранжавы ўзровень небяспекі.