«Зачыстка пачалася»: названы нечаканы сцэнар развіцця падзей у Расіі

• 9.08.2026, 17:16

У Крамлі ідзе барацьба.

Ваенны эксперт, палкоўнік Узброеных Сіл Украіны Пётр Чэрнік лічыць, што ў вышэйшых палітычных колах Расіі могуць рыхтаваць змову супраць Пуціна.

«Ёсць пазітыўныя моманты на нашу карысць. Усё ж такі тое, што я б назваў няправільным словам „буза“, там нарастае. Мы выпальваем іх велізарныя лагістычныя цэнтры ў частцы таго, што называецца іх таварамі, і выпальваем вельмі добра. Мы выпальваем іх нафтавы комплекс. Шкада, што пакуль яшчэ не даходзім паўнавартасна да газавага. Мы ствараем ім вялікія праблемы, і агульнае незадаволенне насельніцтва паступова нарастае», — выказаў сваю думку Пётр Чэрнік.

Пра гэта ваенны эксперт распавёў у інтэрв'ю для тэлеканала «Армія TV» на YouTube.

«Я не веру ў паўстанне расіян знізу, зусім не веру. Я больш за трыццаць гадоў даследую наш варожы народ, бо мы асуджаныя жыць з імі, і ніякага спакою не будзе. Калі паглядзець пад мікраскопам, дык у іх было літаральна некалькі паўстанняў, і яшчэ пытанне: ці былі яны агульнанароднымі. Што можа адбыцца? Пуцін, як агню, баіцца таго, што адна з «вежаў Крамля» можа агульнанароднае незадаволенне выкарыстаць супраць яго. Так можа здарыцца», — паведаміў Чэрнік.

Таксама афіцэр ЗСУ выказаў здагадку, што неўзабаве можа адбыцца ў Расіі:

«На мой погляд, нейкая зачыстка ўжо пачалася, паколькі там ідзе пэўная барацьба. Успомнім дзіўны выбух у Маскве. Няма дакладнай інфармацыі, хто супраць каго іграў і як іграў, але, магчыма, гэтая зачыстка ўжо пачалася. Ёсць інфармацыя, сабраная па крупінках, што Пуцін ужо вядзе працу са сваімі баявымі сіламі дзеля патэнцыйнай зачысткі. Вось гэтае незадаволенне можа ў пэўны момант назапасіцца, і нейкая з вежаў Крамля, а я не сумняваюся, што існуе група людзей, гатовая ажыццявіць трансфер улады, можа гэтае незадаволенне выкарыстаць».