Беларусы Вільнюса выйшлі на акцыю ў гадавіну пачатку рэвалюцыі

• 9.08.2026, 17:46

Удзельнікі мітынгу разгарнулі велізарны бел-чырвона-белы сцяг.

У Вільнюсе прайшла акцыя да гадавіны пачатку рэвалюцыі 9 жніўня 2020 года.

Беларусы сабраліся на Катэдральнай плошчы і разгарнулі велізарны бел-чырвона-белы сцяг, піша «Салідарнасць».

Перад сабранымі выступілі былыя палітвязні, прадстаўнікі дыяспары, грамадскія актывісты. А таксама музыкі — хор Pra.Dziva, Юрый Стыльскі.

На плошчы размясцілі галерэю з партрэтамі палітвязняў.

На акцыю сабралася больш за сто чалавек.

Разам з хорам людзі заспявалі «Пагоню».

Удзельнікі таксама зладзілі велізарны карагод. А потым адправіліся шэсцем па горадзе.

«Марш годнасці» дайшоў да пасольства Беларусі. Удзельнікі ўшанавалі хвілінай маўчання ахвяр рэжыму і беларускіх добраахвотнікаў, якія загінулі ва Украіне.