Арышты і выбухі: у Расіі пачалася вялікая зачыстка вытворцаў дронаў

• 9.08.2026, 19:12

Што вядома.

З'явіліся выразныя прыкметы вялікага перадзелу ў дронавай сферы ў Расіі. Пачаліся масавыя арышты вытворцаў. На некаторых здзяйсняюцца замахі.

«Дыялог» разбіраўся ў дэталях.

Нядаўна дыктатар РФ Уладзімір Пуцін прызначыў новага камандуючага беспілотнымі сіламі, паставіўшы на чале новага роду войскаў кадравага вайскоўца Дзяніса Ляміна. З гэтай пасады быў звольнены Юрый Ваганаў, якому Z-супольнасць дала мянушку «Унітаз». Гэта быў прадпрымальнік, які пачынаў з сантэхнікі, а падчас вайны перайшоў на вытворчасць БПЛА для расійскай арміі. Цяпер Ваганаў, відаць, страціў уплыў.

І гэта не адзіны інцыдэнт з вытворцамі БПЛА ў Расіі.

9 жніўня ўплывовы расійскі рэсурс «ВЧК-ОГПУ» паведаміў пра арышт у Маскве кіраўніцтва кампаніі «Дрон Солюшнс». Гэта буйны расійскі распрацоўшчык беспілотных сістэм.

«У СІЗА накіравалі былога гендырэктара кампаніі Іраклі Хазалію і цяперашняга гендырэктара Вячаслава Барбасава (заснавальніка кампаніі). Абодва таксама з'яўляюцца мінарытарнымі акцыянерамі \"Дрон Солюшнс\"», — паведаміў рэсурс. Абодвух абвінавачваюць у крадзяжах.

Незадоўга да гэтага пад арышт трапіла намесніца начальніка ўпраўлення беспілотных сістэм і робататэхнікі расійскага Мінпрама Алла Палоўчэні. Таксама арыштавалі кіраўніцтва і ўладальнікаў яшчэ аднаго буйнага вытворцы БПЛА «Эфко».

На тле гэтых арыштаў пад Екацярынбургам быў падарваны гендырэктар кампаніі «Уралдронзавод» Уладзімір Ткачук. Ён атрымаў цяжкія раненні.