Зяленскі пагразіў Расіі адказам

• 9.08.2026, 22:55

За кожны ўдар па украінскіх гарадах.

Украіна будзе адказваць на кожны расійскі ўдар. Пра гэта прэзідэнт Уладзімір Зяленскі заявіў у вячэрнім звароце.

«Гаварыў з галоўнакамандуючым Драпытым — пра абарону нашых гарадоў, пра нашы адказы Расіі. Абсалютна справядлівыя адказы ёсць, на кожны рускі ўдар будзе наша рэагаванне. Расійская вайна будзе ўсё больш адчувальнай у іх дома, у Расіі», — заявіў Уладзімір Зяленскі.

Паводле яго слоў, працягваецца аперацыя па расійскай нафтаперапрацоўцы, таксама былі нанесены ўдары па расійскіх ЗРК, радыёлакацыйных станцыях, па расійскай інфраструктуры ў Азоўскім і Чорнаморскім рэгіёнах.

«Адзіная прычына, чаму гэта працягваецца, — гэта расійскае нежаданне заканчваць гэтую вайну», — заявіў Зяленскі.

Адзначым, у ноч на 9 жніўня армія РФ нанесла масіраваныя ўдары па Харкаву і Адэсе. Паводле апошніх звестак, у Адэсе пацярпелі 13 чалавек. У Харкаве загінуў адзін і пацярпелі 37 чалавек.