Раскурочыла дашчэнту: як выглядаюць расійскія «Панцыры» пасля сустрэчы з украінскімі дронамі

• 1.09.2026, 12:51

Фотафакт.

Сілы абароны Украіны сістэматычна наносяць удары па расійскіх сродках СПА як на акупаванай частцы Украіны, так і на тэрыторыі РФ. Нядаўна абаронцы Украіны знішчылі як мінімум два расійскія «Панцыры».

Фота паражаных расійскіх ЗРК «Панцыр» паказаў Telegram-канал «Досье Шпиона».

«Досье Шпиона» пацвярджае паспяховае «паляванне» Сіл абароны на расійскія сістэмы СПА: цалкам знішчаныя два ЗРК «Панцыр-С1».

На адным з фота, апублікаваных каналам, зафіксаваны «Панцыр-С-1», знішчаны 29 жніўня ў раёне Керчы ў часова акупаваным Крыме.

Другое фота дэманструе, што засталося ад варожага «Панцыра», які прыкрываў аэрадром у Ейску Краснадарскага краю РФ. Яго паразілі на наступны дзень, 30 жніўня.

У той дзень у Генштабе ЗСУ паведамлялі пра атаку на аэрадром у Ейску. Пасля прылётаў на тэрыторыі ўспыхнуў пажар, была чутная працяглая другасная дэтанацыя, што доўжылася больш за гадзіну.

Акрамя таго, 30 жніўня пад ударам апынуліся месца захоўвання, падрыхтоўкі і запуску ўдарных БПЛА ў Мілерава Растоўскай вобласці і нафтаперапрацоўчы завод у Кірышах Ленінградскай вобласці, які з’яўляецца другім па магутнасці сярод НПЗ Расіі.