Бензінавы крызіс у РФ: аўтамабіль расіяніна ўспыхнуў проста на запраўцы

• 1.09.2026, 15:05

Вадзіцель спрабаваў заправіць каністры, пастаўленыя ў салоне.

У сеціве з'явіўся відэазапіс кур'ёзнага і небяспечнага інцыдэнту на адной з расійскіх аўтазаправачных станцый.

Як паведамляе Цензор.НЕТ, пажар узнік падчас спробы мясцовага жыхара назапасіцца палівам на фоне вострага бензінавага крызісу ў РФ.

Камера відэаназірання АЗС зафіксавала, як кіроўца спрабаваў заправіць бензінам каністры, што знаходзіліся ў задняй частцы салона аўтамабіля. Падчас напаўнення ёмістасцяў адбылося раптоўнае ўзгаранне паліўна-паветранай сумесі, і полымя імгненна ахапіла салон.

Сумеснымі намаганнямі працаўнікаў запраўкі і відавочцаў агонь удалося патушыць, а аўтамабіль выпхнуць з тэрыторыі АЗС.