Услед за дрэвамі з праспекта Незалежнасці ў Мінску зніклі сметніцы

• 1.09.2026, 16:11

Жыхары сталіцы ў недаўменні.

Мінчанка nata.in.poland звярнула ўвагу на тое, што ўслед за выкарчаванымі дрэвамі з праспекта Незалежнасці і іншых вуліц у цэнтры горада зніклі сметніцы. Пра гэта яна распавяла ў сацсетцы Threads.

«Мінск, растлумачце, калі ласка, куды падзеліся сметніцы ў цэнтры горада? — піша яна. — Ішла хвілін 10 па праспекце — нідзе ніводнай няма. Горад пры гэтым чысты, але, прабачце, насіць з сабой паперку ад марожанага або кубачак з-пад кавы — такое сабе задавальненне».

Мінчукі выказалі свае версіі, якія тлумачаць знікненне сметніц. Сайт Charter97.org прыводзіць некаторыя каментарыі:

— У іх можна закласці бомбу, а за дрэвам схавацца з гранатамётам. Баяцца, паненка, таму і няма ні дрэў, ні сметніц.

— Нібыта міліцыя прымусіла прыбраць — могуць «бібу» падкінуць. Хоць мы, здаецца, з талібамі з Афганістана ўжо найлепшыя сябры. Але, на мой суб'ектыўны погляд, вельмі падабаецца, як адзін усходні сусед (па калена ў брудзе) жыве. Вось і пераймаюць перадавы досвед.

— Мяне гэта таксама раздражняе, ішла з кубачкам кіламетры тры.

— На Карла Маркса — тое самае.

— Ад цырка да ГУМа ніводнай сметніцы.