Расіянін з лапатай напаў на прыхаджан каля царквы ў Маскве

• 1.09.2026, 16:52

Дасталося і медыкам, якія прыбылі на месца здарэння.

Мужчына з лапатай напаў на прыхаджан каля царквы Святых Жанчын-Міраносіц на Беларэчанскай вуліцы на паўднёва-ўсходзе Масквы, расказалі ТАСС у аператыўных службах расійскай сталіцы.

Інцыдэнт адбыўся каля 9:50. Мужчына накінуўся на прыхаджан, а потым на прыбылых медыкаў. «Па папярэдніх даных, нападніка ліквідаваў прахожы», — сказаў суразмоўца агенцтва.

Пазней у праваахоўных органах агенцтву ўдакладнілі, што, па папярэдніх даных, прахожы застрэліў мужчыну, які напаў на прыхаджан, з траўматычнай зброі. Правяраецца, ці законна ён валодаў зброяй, паведамляе РЕН ТВ.

Нападнік стаяў на ўліку ў псіханеўралагічным дыспансеры.