Беларусам спатрэбіцца платны дазвол на ўезд у Казахстан

• 1.09.2026, 18:40

Ужо з лістапада.

Бязвізавы рэжым паміж Беларуссю і Казахстанам хутка адыдзе ў мінулае. З лістапада 2026 года беларусам для ўезду ў Казахстан спатрэбіцца платны электронны дазвол ETA.

Як заўважыў OfficeLife, новая сістэма ўжо тэстуецца, а з сярэдзіны снежня яна стане абавязковай для ўсіх відаў транспарту — самалётаў, цягнікоў, аўтамабіляў і нават паромаў на Каспіі.

Сістэма электронных дазволаў запушчана ў тэставым рэжыме з 25 жніўня. З 1 лістапада ETA стане абавязковай для авіапасажыраў — авіякампаніі не дапусцяць на борт без дакумента.

З 15 лістапада дазвол спатрэбіцца пры ўездзе праз знешнія сухапутныя межы ЕАЭС, з 30 лістапада — на ўнутраных межах з краінамі саюза. А з 15 снежня электронны дазвол спатрэбіцца ўжо ўсім незалежна ад віду транспарту: цягнікі, паромы, аўтамабілі — без ETA не прапусцяць.

Да 1 лістапада можна ўязджаць і без дазволу — але замежнікаў будуць папярэджваць, што наступным разам без яго не абысціся.

Кошт залежыць ад таго, калі падаць заяўку. Калі аформіць ETA мінімум за 72 гадзіны да мяжы — выйдзе каля 3900 тэнге (прыблізна 26). Калі цягнуць да апошняга або плаціць ужо на мяжы — сума вырасце да 7600 тэнге (каля 51).

Дазвол дзейнічае 180 дзён, на працягу якіх у Казахстане можна знаходзіцца да 90 дзён.