Непагадзь у Мінску і Брэсцкай вобласці паваліла дрэвы

Яны пашкодзілі аўтамабілі.

Моцны вецер, які бушаваў 1 верасня, паваліў дрэвы на два аўтамабілі ў Мінску і Баранавічах, паведамілі ў МНС.

У Мінску выратавальнікі двойчы выязджалі, каб распілаваць і прыбраць зваленыя дрэвы. У выніку разгула стыхіі пашкоджаны адзін аўтамабіль.

Таксама непагадзь «знесла» дрэвы ў Баранавічах, Ганцавіцкім раёне і Брэсце. У Баранавічах пашкоджаны легкавы аўтамабіль.

Паводле аператыўнай інфармацыі, пацярпелых няма.

Нагадаем, Мінск 1 верасня накрыла навальніца, у адным з раёнаў заўважылі «нешта падобнае да тарнада».

Апошнія навіны