У Мінску таямнічым чынам знікла цяжарная жанчына

• 10.09.2026, 16:43

Яе месцазнаходжанне невядома з 8 верасня.

У Мінску шукаюць 43‑гадовую Таццяну Марцішчанка. З 8 верасня жанчына не вярталася дадому і не выходзіць на сувязь, паведамляе пошукава-выратавальны атрад «Анёл».

Таццяна знаходзіцца на пятым—шостым месяцы цяжарнасці. У дзень знікнення на ёй былі бэжавыя туфлі без задніка. Іншыя дэталі адзення ўдакладняюцца.

Кіраўнік пошукава-выратавальнага атрада «Анёл» Сяргей Ковган расказаў, што пра знікненне маладой жанчыны заявіла яе маці пасля таго, як дачка перастала выходзіць на сувязь.

— Абставіны пакуль невядомыя. Таццяна характарызуецца станоўча, ніякіх пытанняў ні да яе паводзінаў, ні да здароўя не было. Жыве з мужчынам. Зараз на месцы працуюць міліцыя і пошукавікі. Магу пакуль толькі сказаць, што гэта нетыповае знікненне і яно выклікае шэраг пытанняў.

Усіх, хто валодае інфармацыяй пра месцазнаходжанне зніклай, просяць паведаміць у пошукава-выратавальны атрад «Анёл» па тэлефонах 7733 (гарачая лінія для ўсіх аператараў сувязі), +375 (29) 666-60-03, +375 (29) 270— 77‑33 або 102.