Том Холанд стаў самым касавым акцёрам у свеце

• 14.09.2026, 7:36

Фільмы з яго ўдзелам сумарна сабралі $15,5 млрд.

Брытанскі акцёр Том Холанд стаў самым касавым акцёрам у гісторыі сусветнага кінапракату. Фільмы з яго ўдзелам сумарна сабралі $15,5 млрд.

Як піша DiscussingFilm, Холанд абышоў папярэдніх рэкардсменак рэйтынгу — Зою Салдану ($15,47 млрд) і Скарлет Ёгансан ($15,4 млрд). Выданне ўдакладняе, што статус самага касавага акцёра Том Холанд атрымаў дзякуючы ўдзелу ў двух самых касавых фільмах 2026 года — «Чалавек-павук: Новы дзень» ($2,4 млрд) і «Адысэя» ($1,4 млрд).

Таму Холанду 30 гадоў. Ён стаў самым маладым акцёрам, які калі-небудзь узначальваў спіс самых касавых акцёраў.