ЗША нанеслі нечаканы ўдар па фінансах Масквы

• 15.09.2026, 8:51

Уведзены санкцыі супраць другога па велічыні банка РФ.

ЗША ўключылі ВТБ, які з'яўляецца другім па велічыні банкам Расійскай Федэрацыі, у санкцыйны спіс у дачыненні да Ірана. Вашынгтон абвінаваціў расійскі банк у садзейнічанні абыходу абмежаванняў супраць Тэгерана.

Пра гэта гаворыцца ў паведамленні Упраўлення па кантролі за замежнымі актывамі Міністэрства фінансаў ЗША (OFAC).

ВТБ ужо знаходзіцца пад амерыканскімі санкцыямі за дзейнасць у расійскім фінансавым сектары. Новае рашэнне звязана з магчымай дапамогай у абыходзе санкцый супраць Ірана.

Як піша расійскае выданне «Коммерсантъ», цяпер амерыканскія ўлады будуць ацэньваць аперацыі ВТБ з улікам магчымога абыходу іранскіх абмежаванняў.

Пры гэтым увага будзе надавацца не толькі фармальнаму ўладальніку або пасярэдніку ў здзелцы, але і таму, хто фактычна кантралюе актывы і атрымлівае з іх выгаду.