Расіяне знішчылі ў Кіеве склад з рэквізітам студыі «Квартал 95»

• 16.09.2026, 18:31

Фотафакт.

Атака расійскіх дронаў знішчыла ў Кіеве склад, дзе захоўваўся рэквізіт студыі «Квартал 95». Пра гэта студыя паведаміла ў Facebook у сераду, 16 верасня.

Як сказана ў паведамленні, разам з рэквізітам было знішчана шмат дэкарацый, касцюмаў і рэчаў, якія на працягу 20 гадоў з’яўляліся на канцэртах, у шоу, фільмах і серыялах студыі.

«Для кагосьці гэта проста рэчы. Для нас — частка вялікай гісторыі Квартала. За кожнай дэкарацыяй, касцюмам або прадметам рэквізіту — праца каманды, здымкі, рэпетыцыі і дзясяткі гісторый, якія мы стваралі разам з нашымі гледачамі», — заявілі ў Квартале.

У студыі ўдакладнілі, што ў выніку атакі ніхто не пацярпеў, на месцы працуюць выратавальнікі. Там запэўнілі, што, нягледзячы на знішчэнне рэквізіту, усе запланаваныя канцэрты адбудуцца, і 17 кастрычніка пройдуць здымкі новага дабрачыннага канцэрта.

«Расійская зброя можа знішчыць маёмасць. Але яна не можа нас спыніць. Мы працягваем працаваць, пісаць новыя жарты і дапамагаць украінскім абаронцам», — сказана ў паведамленні.

У ГСЧС раней паведамлялі, што ў Святашынскім раёне Кіева ў выніку атакі РФ раніцай 16 верасня гарэла складскае памяшканне, агонь перакінуўся на будынкі паблізу. Пацярпеў адзін чалавек, пажар ужо патушылі.