Гродзенскі гарвыканкам патрабуе вызваліць палітвязняў

• 21.09.2026, 20:33

Заяву апублікаваў афіцыйны тэлеграм-канал Гродзенскага гарвыканкама.

Увечары 21 верасня афіцыйны тэлеграм-канал Гродзенскага гарвыканкама заклікаў вызваліць палітвязняў.

Адрас тэлеграм-канала Гродзенскага гарвыканкама — t.me/grodno_ispolkom, ён пазначаны на афіцыйным сайце. Паводле дадзеных сэрвісу TGStat, апошні пост там выйшаў а 18:20 і распавядаў пра абмеркаванне пытанняў крэдытавання інвестпраектаў.

Пасля 18:50 у новым канале па гэтым адрасе з'явіліся тры паведамленні: «Жыве Беларусь! Слава Україні! Свабоду палітвязням!» і «Адказнасць за ўзлом бярэ на сябе Фронт Вызвалення Гародні імя Максіма Танка».

«Паводле наяўнай у нас інфармацыі, недаступныя або знішчаныя каналы кіраўніка вобласці, Гродзенскага гарвыканкама, абласнога УУС і дзяржаўнага тэлеканала „Гродна Плюс“», — піша тэлеграм-канал «Мировые Конфликты», які першым паведаміў пра тое, што адбылося.