ЗСУ збілі расійскую «Герань-5» з дапамогай новага перахопніка STING S

• 21.09.2026, 20:39

Відэа.

Аператары дронаў экіпажа «Бабай» 1020-га зенітнага ракетна-артылерыйскага палка падчас адной з паветраных атак праціўніка збілі расійскі дрон «Герань-5».

Як паведамляе Цензор.НЕТ, для знішчэння варожай паветранай мэты ўкраінскія пілоты выкарысталі новы дрон-перахопнік STING S ад «Дзікіх шэршняў».

Пілот накіраваў перахопнік на расійскую «Герань-5» і паразіў яе ў левую частку корпуса. У выніку трапляння варожы дрон быў знішчаны ў паветры.

У подпісе да апублікаванага відэа таксама адзначаецца, што маса баявой часткі «Герані-5» складае да 90 кілаграмаў, а далёкасць палёту можа дасягаць 950 кіламетраў.