13-гадовая плыўчыха з рэкордамі заваявала два залатыя медалі Азіяцкіх гульняў

• 21.09.2026, 20:49

Кітайка Юй Цзыді заваявала золата на дыстанцыях 200 м батэрфляем і 200 м комплексным плаваннем.

13-гадовая кітайская плыўчыха Юй Цзыді на Азіяцкіх гульнях перамагла на дыстанцыі 200 м комплексным плаваннем. Пры гэтым яна ўстанавіла новы рэкорд Азіі.

Спартсменка паказала вынік 2 хвіліны 06,10 секунды. Да сусветнага рэкорду, усталяванага 20-гадовай канадкай Самер Макінтош (2.05,70), ёй не хапіла 0,4 секунды.

Днём раней кітайка ўстанавіла рэкорд Азіяцкіх гульняў у плаванні на 200 м батэрфляем (2.05,08), заваяваўшы сваё першае золата на турніры.

«Другое золата радуе мяне больш, чым першае», — перадае словы Юй Цзыді BBC.

Юй Цзыді стала самай юнай плыўчыхай, якая заваявала медаль чэмпіянату свету, калі ў 12 гадоў узяла бронзу ў складзе кітайскай эстафеты 4×200 м вольным стылем.

Азіяцкія гульні праходзяць у Японіі і завершацца 4 кастрычніка.