Турчын расказаў, якая сітуацыя ў Беларусі яго насцярожвае

• 22.09.2026, 9:37

Лукашэнкаўскі прэм’ер загаварыў пра праблемы ў прамысловасці.

Прэм’ер-міністр Аляксандр Турчын сказаў, якая сітуацыя ў Беларусі яго насцярожвае. Інфармацыя апублікаваная ў афіцыйным тэлеграм-канале ўрада Беларусі.

На нарадзе ў панядзелак, 21 верасня, разглядалася сітуацыя, якая складваецца ў беларускай прамысловасці.

— Але сітуацыя ў некаторых галінах і на цэлым шэрагу прадпрыемстваў не можа не насцярожваць… І далей — гэта мае асабістыя адчуванні, што па цэлым шэрагу прадпрыемстваў я не бачу дзеянняў кіраўніцтва, найперш гэтых прадпрыемстваў, для выпраўлення сітуацыі, — заявіў прэм’ер-міністр.

Паводле слоў Аляксандра Турчына, гэта праяўляецца і ў працы на знешніх рынках, і ў краіне, і ў плане аптымізацыі выдаткаў.

Кіраўнік беларускага ўрада нагадаў, што па згаданай тэме збіраюцца ўжо не ўпершыню. У прыватнасці, у лютым 2026 года дамаўляліся пра механізмы і прынцыпы працы.

— Калі вы думаеце, што на ўсё гэта мы будзем проста глядзець, вы памыляецеся, — папярэдзіў Турчын.