Чыстыя ўкладанні ў біржавыя фонды біткойна дасягнулі $1 млрд

• 22.09.2026, 12:08

Гэта максімальны паказчык з кастрычніка 2025 года.

Чысты прыток у BTC ETF па выніках 21 верасня склаў $1 млрд, паводле даных сэрвісу SoSoValue. Гэта максімальны паказчык з 6 кастрычніка 2025 года. За апошнія тры гандлёвыя дні чысты прыток дасягнуў амаль $1,6 млрд.

Такі маштабны прыток капіталу адбіўся на цане актыву напярэдадні. Па выніках панядзелка курс біткойна перавышаў $87,36 тыс., абнавіўшы максімум з канца студзеня. За чатыры дні цана вядучай крыптавалюты вырасла на 14%. Нягледзячы на нязначную тэхнічную карэкцыю раніцай 22 верасня, каціроўкі біткойна засталіся вышэй за $86 тыс.

Актыўная гульня на павышэнне пачалася пасля слоў прадстаўнікоў Камісіі па каштоўных паперах і біржах (SEC) і Камісіі па гандлі таварнымі ф'ючэрсамі (CFTC), якія заявілі пра гатоўнасць управаджаць уласнае рэгуляванне крыптарынку нават без прыняцця закона Clarity Act. Рост каціровак узмацніла і масавае закрыццё кароткіх пазіцый — аб'ём ліквідацый шортаў, паводле даных Coinglass, 18–22 верасня склаў каля $870 млн.