ЕС падаўжыў санкцыі супраць РФ на тры гады

• 22.09.2026, 19:26

Але выключыў двух расійскіх алігархаў.

Прадстаўнікі Еўрапейскага саюза дамовіліся падаўжыць на тры гады дзеянне санкцый супраць Расіі, якія распаўсюджваюцца на 3 000 фізічных і юрыдычных асоб. Аднак з санкцыйнага спісу выключылі двух расійскіх алігархаў, піша Reuters са спасылкай на еўрапейскіх дыпламатаў.

Адзначаецца, што прадстаўнікі ЕС дамовіліся выключыць з санкцыйнага спісу расійскіх мільярдэраў Алішэра Усманава і Міхаіла Фрыдмана ў абмен на падаўжэнне санкцый на тры гады. Латвія да апошняга выступала супраць гэтага рашэння.

У агенцтве нагадалі, што для падаўжэння санкцый патрабуецца аднагалосная падтрымка. Раней іх падаўжалі кожныя шэсць месяцаў.