Зяленскі: Спадзяюся на завяршэнне вайны да зімы з дапамогай Трампа

• 22.09.2026, 21:20

Прэзідэнт Украіны і лідар ЗША праводзяць двухбаковую сустрэчу ў Нью-Ёрку.

Украінскі прэзідэнт Уладзімір Зяленскі выказаў надзею на завяршэнне поўнамаштабнай вайны да зімы з дапамогай амерыканскага лідара Дональда Трампа.

Пра гэта паведамляе РБК-Украіна са спасылкай на трансляцыю сустрэчы двух лідараў на палях 81-й сесіі Генеральнай Асамблеі ААН.

— Спадзяюся, мы зможам скончыць гэтую вайну да зімы, і Трамп у гэтым дапаможа, — заявіў Зяленскі.

У сваю чаргу Трамп падкрэсліў, што і прэзідэнт Украіны, і расійскі дыктатар хочуць, каб вайна скончылася.

— Настаў час. Занадта шмат людзей гіне, і ніхто гэтага не хоча, — падкрэсліў прэзідэнт ЗША.