Прэзідэнт Літвы: Расія ўжо прайграла вайну

• 23.09.2026, 7:45

Крэмль не прызнае паразу з-за страху помсты.

Расійскае кіраўніцтва прайграла вайну, але не прызнае гэтага з-за страху непазбежнай адказнасці — як юрыдычнай, так і перад уласным народам, які можа помсціць.

Пра гэта заявіў прэзідэнт Літвы Гітанас Наўседа, выступаючы на Генасамблеі ААН, перадае РБК-Украіна са спасылкай на эфір яго выступлення.

«Фармальна гэта яшчэ не называюць паражэннем, але па сутнасці Расія ўжо прайграла гэтую вайну. Аднак яе кіраўніцтва не адважваецца прызнаць паразу, баючыся міжнароднай юрыдычнай адказнасці і магчымай помсты з боку ўласнага народа», — заявіў Наўседа.

Ён дадаў таксама, што па меры набліжэння непазбежнай развязкі стаўкі растуць, а крэмлёўскі рэжым усё больш аказваецца загнаным у кут.