Трамп сказаў, з кім пагаварыць Украіне, каб выкарыстоўваць Starlink для ўдараў па РФ

• 23.09.2026, 7:55

Гэта трэба, каб спыніць масіраваныя атакі балістыкай.

Прэзідэнт ЗША Дональд Трамп заявіў, што для атрымання дазволу на выкарыстанне тэрміналаў Starlink для ўдараў па тэрыторыі Расіі Украіне трэба пагаварыць з мільярдэрам Ілонам Маскам.

Аб гэтым паведамляе Charter97.org са спасылкай на пост журналісткі NEWSMAX Наны Саджаі у сацсетцы Х.

Паводле слоў украінскага чыноўніка, які гаварыў на ўмовах ананімнасці, Украіна на сустрэчы з Трампам на Генасамблеі ААН закранула тэму выкарыстання Starlink, каб выкарыстоўваць іх для паражэння мэт на тэрыторыі Расіі.

«Вы павінны пагаварыць пра гэта з Ілонам», — адказаў Трамп, маючы на ўвазе кіраўніка кампаніі Starlink.

Таксама крыніца паведаміла, што двухбаковая сустрэча прэзідэнта Украіны Уладзіміра Зяленскага з Дональдам Трампам прайшла «вельмі добра» і «была вельмі пазітыўнай». Украінскі бок пацвердзіў, што гатовы да энергетычнага перамір'я з РФ.

Акрамя таго, NEWSMAX таксама пацвярджае раней агучаную ў СМІ інфармацыю, што сёння ўвечары (па Кіеве ў ноч на 23 верасня) украінскія перамоўшчыкі сустрэнуцца з прадстаўнікамі краін Е3 (Францыі, Германіі і Вялікабрытаніі), каб абмеркаваць меры па дэскалацыі і ідэі для пасланцоў Трампа Стыва Уіткофа і Джарэда Кушнера.

«Потым яны пагавораць з расійскім бокам», — сказаў суразмоўца.

Нагадаем, што Расія апошнімі месяцамі масіравана атакуе Украіну дронамі і асабліва балістыкай. Каб знішчаць пускавыя ўстаноўкі балістычных ракет, асабліва з улікам недахопу ў Украіны ракет для СПА, краіне патрэбны дазвол на выкарыстанне Starlink украінскай арміяй у тым ліку на тэрыторыі РФ.