Беспілотнікі атакавалі Уфу: чутныя выбухі, каля мясцовага НПЗ бачны дым

Расійскі Башкартастан пацярпеў ад атакі БПЛА.

Мясцовыя жыхары паведамляюць пра гукі выбухаў над Уфай. Паводле іх звестак, сродкі СПА спрабуюць збіць беспілотнікі.

OSINT-аналітык тэлеграм-канала ASTRA, прааналізаваўшы фота відавочцы, устанавіў, што дым бачны ў раёне мясцовага НПЗ.

У аэрапорце Уфы ўводзілі абмежаванні на вылет і прыём самалётаў.

Маніторынгавы канал Exilenova+ адзначае, што ў прамысловай зоне Уфы размешчаныя адразу тры НПЗ, таму расіяне ўзмацнілі яе ахову.

21 верасня таксама паведамлялася пра атаку беспілотнікаў на НПЗ у Башкартастане. У сеціве пісалі пра дым над Уфай.

У жніўні былі атакаваныя мясцовыя прадпрыемствы «Башнефть-Новойл», «Башнефть-УНПЗ» і «Башнефть-Уфанефтехим».

Апошнія навіны