Мінчанка абвінаваціла беларускі банк у разгалошванні персанальных даных

• 23.09.2026, 13:48

Даныя апынуліся ў выпісцы ў атрымальніка плацяжу.

Мінчанка loa_ov абвінаваціла беларускі «Альфа-банк» у разгалошванні персанальных даных.

«Вы ў курсе, што банк перадае вашыя даныя? — пытаецца яна. — Паважаны «Альфа-банк», я адправіла пераказ і сёння ўбачыла ў выпісцы ў чалавека, якому адправіла, свой нумар пашпарта, поўныя прозвішча, імя і імя па бацьку і кім выдадзены пашпарт.

На якой падставе адбываецца разгалошванне персанальных даных? Я ўпершыню бачу ў выпісцы персанальныя даныя».

Банк адрэагаваў на пост мінчанкі і паабяцаў «як мага хутчэй» разабрацца ў сітуацыі.

«Напісалі вам у прыватныя паведамленні, можаце адказаць нам або напісаць у зручны для вас канал падтрымкі. Хацелі б як мага хутчэй разабрацца ў сітуацыі», — гаворыцца ў паведамленні банка.