Украіна з пачатку года вызваліла 800 км² тэрыторый

• 23.09.2026, 18:07

Армія РФ за гэты перыяд страціла каля 260–270 тысяч ваеннаслужачых.

Сілы абароны Украіны ў 2026 годзе вызвалілі 800 кв. км. акупаваных тэрыторый.

Пра гэта заявіў прэзідэнт Украіны Уладзімір Зяленскі у інтэрв'ю The Wall Street Journal.

Кіраўнік дзяржавы адзначыў, што сумарнае прасоўванне акупантаў складае ўсяго 90–100 кв. км, што ў разы менш у параўнанні з папярэднімі гадамі, калі РФ акупавала па 3000–4000 кв. км у год. Прэзідэнт Украіны падкрэсліў, што цяпер для расійскай арміі на полі бою «амаль усё стаіць на месцы».

Ён дадаў, што за гэтыя мінімальныя тэрытарыяльныя дасягненні расійская армія з пачатку года страціла каля 260–270 тысяч ваеннаслужачых.

Зяленскі падкрэсліў, што хоць для Масквы чалавечыя страты і не азначаюць паразы, сітуацыя для расійскага дыктатара Уладзіміра Пуціна зусім непаспяховая.

«Сітуацыя на полі бою неспрыяльная для Пуціна. Ён не перамагае, але і не прайграе, таму што для яго чалавечыя страты не азначаюць паразы», — сказаў кіраўнік дзяржавы.