Зяленскі пра страты РФ сёлета: 21 краіна ў свеце мае меншае насельніцтва

• 23.09.2026, 22:09

Са студзеня па жнівень армія Расіі страціла 248 тысяч вайскоўцаў.

Са студзеня па жнівень 2026 года армія Расіі страціла на полі бою ва Украіне (загінулымі і параненымі) 248 тыс. вайскоўцаў. Пра гэта прэзідэнт Украіны Уладзімір Зяленскі заявіў 23 верасня падчас выступу на пасяджэнні Генасамблеі ААН, якое транслявала «Суспільне».

«21 краіна ў свеце мае меншую колькасць насельніцтва, чым расіяне страцілі літаральна за восем месяцаў. У нас ёсць відэапацверджанне кожнай з гэтых страт. І гэта не проста статыстыка. Гэта пра людзей. Гэта жахліва», – заявіў прэзідэнт Украіны.

Таксама прэзідэнт адзначыў, што Расія змагла захапіць у гэтым годзе толькі 1 тыс. км² украінскай тэрыторыі, і Украіна ўжо вызваліла значную яе частку.

«У Расіі ёсць тысячы квадратных кіламетраў уласнай тэрыторыі. А за некалькі кіламетраў Пуцін плаціць жыццямі сваіх суайчыннікаў. У гэтым абсалютна няма ніякага сэнсу», – дадаў Зяленскі.