Украіна перадала палонных салдат КНДР Паўднёвай Карэі

• 24.09.2026, 1:58

Яны ваявалі на баку РФ.

Нядаўна Украіна перадала Рэспубліцы Карэі дваіх салдат КНДР, якіх украінскія абаронцы ўзялі ў палон.

Пра гэта прэзідэнт Украіны Уладзімір Зяленскі заявіў з трыбуны Генасамблеі ААН у Нью-Ёрку.

Кіраўнік дзяржавы падкрэсліў, што ўзяць паўночнакарэйскіх салдат у палон жывымі няпроста.

«Адзін з іх, зразумеўшы, што трапіць у палон, спрабаваў учыніць самагубства і быў у шоку ад таго, што лёс не дазволіў яму памерці. Вось так выхоўваюць людзей на Поўначы. Такая рэальнасць», — адзначыў прэзідэнт.

Зяленскі падкрэсліў, што ў салдат КНДР адбіраюць права выбару і «ўбіваюць у свядомасць перакананне, што яны павінны памерці» — пры любых абставінах.