КДБ Беларусі заявіў, што «перадухіліў дыверсію на тэрыторыі Расіі»

• 24.09.2026, 10:17

Некалькі «фігурантаў» затрыманыя.

У КДБ Беларусі нібыта «прэсечана дзейнасць групы, якая рыхтавала дыверсію на адным са стратэгічных аб’ектаў Расіі».

Пра гэта паведамляецца ў тэлеграм-канале ведамства.

У прыватнасці, каардынацыя дыверсіі ажыццяўлялася з тэрыторыі Украіны, а Беларусь меркавалася выкарыстаць у якасці транзітнага маршруту для перадачы абсталявання, беспілотных лятальных апаратаў і сродкаў сувязі ўдзельнікам групы.

Як паведамляюць у КДБ, атрыманыя матэрыялы аператыўна перададзеныя расійскаму боку і «рэалізацыя дыверсійнага задуму сарвана на стадыі падрыхтоўкі».

«Некалькі фігурантаў затрыманыя. Сумесна з расійскімі спецыяльнымі службамі праводзяцца мерапрыемствы па ўстанаўленні іншых асоб, якія маглі быць датычнымі да падрыхтоўкі дыверсіі», — гаворыцца ў паведамленні.